الدرس ده اسمه درس السعادة? جمعنالكم كل الحاجات اللى البنات بتعملها عشان تكون سعيدة وتغير المود وحطناها في البوست ده ، يالا جربيها وفرحي نفسك انتى كمان ?
1. اتجمع مع صحباتي ونقعد نرغي ونضحك ونهزر ويبقي يوم جامد
2. اخرج ادلع نفسي واشتري حاجه بحبها
3. اقرأ كتاب بحبه مع فنجان قهوه واحلي قعده في هدوء ونور الشمس حتى لو في البلاكونة
4. اعمل ماسكات مع حمام مغربي واظبط وادلع نفسي
5. اقرأ قرآن وادعي ربنا بكل اللى نفسي فيه والتمس اوقات الاستجابة
6. ارقص في بيتي او اتعلم رقصة جديدة من النت
7. اروح الكوافير
8. احط شاور جيل في المياه عشان يعمل فوم واقعد فى البانيو
9. اكل شيكولاته واشرب نسكافيه
10. اجيب هدايا مفاجأة للي حواليا وافرح بفرحتهم بيها
11. اروح سبا
12. اقرأ رواية او كتاب جديد
13. اقعد قدام التلفزيون انا واسرتي ونعمل قهوة وفشار وقعده حلوة
14. البس حلو واعمل شعري وميك اب حتي لو لوحدي ف البيت
15. ارسم اوالون مانديلا
16. العب رياضة
17. اي حاجه برجع بيها لذكريات فرحتي لما اروح معرض زي زمان او انزل مكان كنت بروحه وانا صغيرة او ازور مدرستى القديمة ويفضل علي وشي ابتسامه طول الوقت
18. ازور اهلى والناس اللي بحبهم
19. اروح المول امشي كتير حتي لو مش هاشتري حاجة وياسلام لو طلبت واحد سينابون او اى حلويات
20. اعمل اكلة بحبهاااا
21. فسحة مختلفة في مكان مروحتش ليه قبل كده
22. امشي شوية حلوين و أفضي دماغي من أي حاجة
23. دروس تحفيظ قرآن
24. أحط ميكب لنفسي في البيت وأقعد اتصور
25. اقعد في مكان فيه زرع وورد كتير
26. ابلبط في المية في اي مكان فيه بسين
27. البيت يكون رايق مع معطر جميل او بخور
28. اخرج مع ولادي او العب معاهم فى وقت يكون مخصص ليهم بجد مش مضطره ليه
29. انزل الصبح بدرى واروح اى كافيه لوحدى أقعد مع نفسى وارجع البيت مجدده النشاط
30. اروح اتفرج على حيوانات وااكلهم ده بيغير مودى جدا زى مثلا البط فى اى بحيره او العصافير او القطط اللى فى الشارع
31. اروح حديقة فيها مناظر طبيعية حلوة
32. اغير لون شعري
33. اعمل اى هواية بحبها زى التطريز او الكروشيه او الاكسسوارات
34. اشتري زرعه وتكبر ادامي
35. اصنع سلسلة من الفول السوداني واعلقها في البلاكونة واشاهد الطيور تأكل.
36. اغير خلفية موبايلي دائما لخلفية تخلينى ابتسم
37. احافظ على مخطط السعادة أو اكتب 3 أشياء تجعلني اشعر بالامتنان لكل يوم.
38. افرح غيري بأعمال عاطفية عشوائية. مثال: امنح زميلتي في العمل مجاملة حقيقية ، اهدي أهلي واصحابي الورود، ، أو ازور حد مريض او اشير البوست ده لصحباتي وننفذه سوا ?
39. زيارة دار رعاية المسنين واتكلم معاهم او ازور ملجأ للايتام واجيب حلويات للأطفال
40. احول الأعمال الروتينية المملة إلى لعبة: أكمل تنظيف الأطباق قبل الانتهاء من تشغيل أغنياتي الثلاثة المفضلة
41. ابحث عن الخير في كل موقف. بدلاً من الانزعاج من الزحام وحركة المرور ، اجعل هذا الوقت للذكر والاستغفار
42. ابدأ صباحي مع ساعة من الرعاية الذاتية: استيقظ قبل 30 دقيقة حتى اتمكن من الاستمتاع بوجبة إفطار كبيرة أو قراءة كتاب قبل بدء يومي الحافل
43. زراعة الأعشاب العطرية مثل النعناع في مربع النافذة وإيجاد طرق لإضافتها إلى وجبات الطعام
44. آخذ “ليلة بلا شاشات” وافعل شيئًا يعيد شحن جسمي وعقلي مثل ممارسة هواية قديمة.
45. اعمل حمام زيت لشعري وتنضيف بشره وباديكير
46.اروح لمكان فيه بحر ولو ظروفي متسمحش اقعد على اى كافيه عالنيل او اتمشى عالكورنيش
47. اتعلم كورس جديد اونلاين عن اى مجال سهل وبحبه بس مش بعرف اعمله زى الرقص او تمارين التأمل او كورسات اللغة اللى هتساعدك في السفر
48- اتفرج على برامج كوميدية وفي نفس الوقت مفيدة عشان أفرح وفي نفس الوقت مضيعش وقتي زى مثلا الدحيح وبرنامج الفاميليا لأحمد أمين وبرامج المذيع ستيف هارفي (بعض الحلقات)
49. افكر في مميزاتي واكتبها واشوف ازاى اقدر اقويها (لأن عشان تكوني انسانة مميزة في اقرب وقت اشتغلى على نقاط قوتك وقويها اكتر أفضل ما تركزى على نقاط ضعفك وتحاولي تعدليها)
50- عدم الإفراط في استخدام الموبايل ومواقع التواصل الإجتماعى
